Aqoonyahan Jaamaca Cilmi Jiir oo ka mid aqoonyahanada u dhashay Gobolka Saraar kana hadla arrimaha horumarinta Gobolka ayaa ugu baaqay qurbajoogta Gobolka Saraar inay ka qaybqaataan horumarinta iyo dib udhiska Gobolkooda ee dhinacayada kala duwan ee adeegyada bulshada

Aqoonyahan Jiir oo dhawaan booqosho ku tagey Gobolka Saraar gaar ahaan xarunta Gobolka Saraar ee degmada caynabo iyo Tuulooyin ku dhaw.Halkaas oo uu soo maray xarumaha adeegyada bulshada sida Cusbitaalka guud ee caynabo, dugsiga hoose dhexe ee Horyaal caynabo primary school, dugsiga sare ee Guutaale secondry school iyo wakaalda biyah ee caynabo.wuxuuna qurbajoogta Gobolka Saraar ugu baaqay inay ka qaybqaataan horumarinta Gobolkooda waxaana hadaladiisii ka mid ahaa “waxaan qurbajoogta Gobolka Saraar ugu baaqayaa inay ka qaybqaataan horumarinta GobolkoodaA sida dhinacyada kala duwan ee adeegyada bulshada sida waxbarashada, caafimaadka, biyaha iyo adeegyada kale ee aas aasiga u ah bulshada oo ay ku daydaan qurbajoogta dhigooda ah ee horumariyey Goboladoodii” wuxuu kale ka hadalay isku diirsanaanta iyo wax wada qabsigu inuu yahay wadada keliya ee lagu gaari karo horumar isagoo taa ka hadlaayana wxuu yidhi “waxaan leeyahay la kala dheeree orodse maaha waxaan ugu jeedaa taa Gobolkani wuxuu u baahan yahay in gacmaha lays qabsado loona istaago horumarintiisa inagoo isku duuban iskana dhaafna qabyaalada, qulo quloda, munaafaqada iyo wixii kalee dib udhac ah ”

Ugu danbayntii wuxuu ugu baaqay in qurbajoogtu ka fayoobaadaan qabyaalada waayo idinku waxaad aragteen wadamo iyo dadyow horumaray kana tagay qabyaalad una istaagay horumarinta dadkooda iyo dalkooda.