GAARISA(CNN) Waxa kor u sii kacaya qasaaraha uu gaysatay dab kii maalintii shalay ka kacay bartamaha magaalada geerisa, waxana ay wararka ka imanaya magaaladaasi sheegayaan in uu dhaawac u gaystay sedex

qof balse uu yahay mid aad u fudud, wararku waxa ay intaasi ku darayaan in dabkan ay ku shuf beeleen in ka badan 60 guri oo ay ku jiraan goobo ganacsi oo ay taalay hanta aad u badan.

Saraakiil ka tirsan hayada World Vision oo degaankaasi ka hawl gasha muuqaalana ka soo qaaday degaankaasi ayaa waxa ay sheegeen in xaaladu ay tahay mid aad u daran dadkaasina ay u baahan yihiin gurmad, waxa kale oo ay sheegeen in qasaaraha dabku uu yahay mid aad u baahsan oo gaadhay badi magaaladaasi.

Tani badalkeeda ayaa gudida abaarha ee Gobolada Awdal/Salal ay gurmad dhan raashinkii ay ku noolaan lahaayeen 60 qoys u direen degaankaasi, sidana waxa xaqiijiyay madaxa gudidaasi Sh. Maxamed Daahir Dhawal.

Cabdale cali yuusuf

Caynabanews Office Borama